CD – Lis Lotis del Cormôr 1950
Lis cjançons dal Cormôr 2020

Giovanna Marini e Coro La Tela • Jacopo Casadio • Franco Giordani •  Nicole Coceancig • Alessio Velliscig • Simone Piva • Renzo Stefanutti • Guido Carrara e Lussia di Uanis • Alvise Nodale • Prospettiva Rolaz • Devid Strussiat • Stefano Montello • Loris Vescovo • Lino Straulino • Laurin Zuan Nardin • Francesco Indrigo • Cristina Micelli • Stefano Moratto • Maurizio Mattiuzza • Leo Virgili

Daspò setante agns, musiciscj, poetis, scritôrs e artiscj furlans, intune opare coletive a ricrein l’epos di une grande storie di lote popolâr no violente tes campagnis de Basse Furlane. Une colone sonore contemporanie per stiçâ sensibilitâts e memorie des Lotis dal Cormôr.  

Il disc si pues comprâ online sul catalic NOTA, li dal Angolo della Musica di vie Aquilee a Udine e si pues ordenâ tes librariis di Udin.

Cutuardis tosc musicâi di scoltâ, une testemoneance audio e un booklet di 90 pagjinis cui tescj des cjançons e altris contignûts di lei e di cjalâ, jenfri citazions leteraris, poesiis, fotografiis, ilustrazions e doi contribûts par introdusi ae scolte e ae leture. Dut chest lu cjatais intal CD “Lis Lotis dal Cormôr 1950 – Lis Cjançons dal Cormôr 2020 / Le Lotte del Cormôr 1950 – Le Canzoni del Cormôr 2020”. La opare musicâl a si vierç cuntune sclese di interviste a Loris Fortuna e a continue cuntune schirie di cjançons presentadis di grups e soliscj protagoniscj de sene musicâl
furlane contemporanie. Si tache cu la Corâl feminine La Tela, che a propon La Canzone del Cormôr, cjant popolâr za proponût dal grup di Alessandra Kersevan e Giancarlo Velliscig intal 1991, cuntun gnûf rangjament di Giovanna Marini. Si continue cu lis composizions, simpri ispiradis aes vicendis de Vierte dal 1950, di Jacopo Casadio, Franco Giordani, Nicole Coceancig, Alessio Velliscig, Simone Piva, Renzo Stefanutti, Guido Carrara e Lussia di Uanis, Alvise Nodale, Prospettiva Rolaz, Devid Strussiat, Stefano Montello, Loris Vescovo e Lino Straulino. Un mosaic di sonoritâts e atmosferis jenfri rock, blues, pop, folk e cjançon di autôr, li che si pant la personalitât di ogni autôr e si ricognòs ancje un fîl comun stant che dut il lavôr al è stât produsût e regjistrât di Leo Virgili alì de Invisible Recordings Studio. Il “supuart digjitâl” al è confezionât dentri di un booklet di 90 pagjinis (il formât al è chel tipic de golaine BlockNota, de etichete discografiche NOTA di Valter Colle) li che si pues lei i
intervents introdutîfs di Lorenzo Fabbro e Pauli Cantarut, i tescj des cjançons, lis poesiis di Francesco Indrigo, Stefano Moratto, Maurizio Mattiuzza, Zuan Laurin Nardin e Cristina Micelli e une conte di Lucia Pinat. Il dut compagnât di fotos origjinâls e des ilustrazions di
Guido Carrara “Quisco”. La grafiche e je di Caterina Vignaduzzo. 

Ca sot dut il booklet in anteprime. 

fotografiis

filmâts

Conference stampe in linie –  presentazion dal CD

Ai 10 di Fevrâr 2021

In direte in linie di Villa Dora, Biblioteche di San Zorç di Noiâr (UD), Lorenzo Fabbro e Paolo Cantarutti, in colegament cun Devid Strussiat, Lussia di Uanis e Laurin Zuan Nardin, a àn presentât il CD “Lis Lotis dal Cormôr 1950 – Lis cjançons dal Cormôr 2020 | Le Lotte del Cormôr 1950 – Le canzoni del Cormôr 2020”.