lis cjançons dal 1991

In cheste fotografie, fate intal Centri Sociâl di Blancjade a Palaçûl, in ocasion de presentazion dal libri “I giorni del Cormôr. 1950 la Bassa Friulana alza la testa. Dramma storico-didattico in quattro atti con quattro intermezzi musicali”, si ricognossin Pierluigi “Picchio” Visintin e Giancarlo Velliscig, in pose dongje di diviers protagoniscj des Lotis dal Cormôr.

Il libri al jere compagnât di une audiocassete cun cjançons scritis e interpretadis pe ocasion dai stes Visintin e Velliscig, dongje di altris tocs (letaris, articui di gjornâl, poesiis, cjants popolârs) lets o cjantâts di bande di Massimo Somaglino ed Alessandra Kersevan. Ju tornìn a proponi achì par zentîl concession dal editôr e dai autôrs.